Народный артист Республики Коми Василий Прокопьевич Рочев отмечает 70-летие
Дона Василий Прокопьевич!
Кыпыда чолӧмала Тіянӧс Коми Республикаса национальнӧй политика министерство нимсянь да ассянь тшупӧда пасӧн – сизимдас арӧс тырӧмӧн!
Тіян олӧмныд топыда кӧртассьӧма шыладкӧд, сьылан культуракӧд, изьва оланногкӧд да Коми Республиканымкӧд. «Асъя кыа» ансамбльын, республикаса шылада театрын, Коми республиканскӧй филармонияын уджалігӧн лов пытшкӧссянь юксинныд видзӧдысьяскӧд асланыд енбиӧн, олӧмсӧ да йӧзсӧ радейтӧмӧн. Творческӧй уджаныд тӧдчана ин босьтӧ «Мелі шыяс» ансамбль. Тіян водзмӧстчӧмӧн тані чукӧртчисны йӧз, кодъясӧ нэм кежлӧ йиджисны коми ловруа сьыланкывъясыс да пармаса шыясыс. Уна воӧн Тіянлы мойвиис кытшовтны концертъясӧн Коми мулысь быд сикт да кар.
Тіянлысь нимнытӧ тӧдӧны Россияын да финн-угор муясын. Öд лов пыр нуӧдӧм сьыланкывъясныд да сцена вылын аслыспӧлӧс петкӧдчӧмъясныд оз вермыны кольны веськодьӧн ни верстьӧӧс, ни том йӧзӧс да челядьӧс.
Ыджыд вын Ті пуктанныд мада изьва культура паськӧдӧмӧ да сӧвмӧдӧмӧ. Сыктывкарын «Изьва керка» культура шöринӧн веськӧдлігӧн Ті кужинныд ӧтувтны карын олысь изьватасӧс да тӧдмӧдінныд юркарсаясӧс Изьваысь петӧм нималана йӧзкӧд.
Аттьӧала Тіянӧс Коми Республикаса национальнӧй политика министерствокӧд ёртасьӧмысь, вужвойтырлысь культура да оласног видзӧмысь да сӧвмӧдӧмысь, томуловӧс чужан мунымӧс пыдди пуктыны велӧдӧмысь да войтыръяс костын лада олӧм ёнмӧдӧмысь.
Сиа Тiянлы зумыд дзоньвидзалун, тыр-бур олӧм, творческӧй ру да эска, мый водзын уна на выль шедӧдӧм да мыла сьыланкыв! Кузь нэм да бур йӧз!
Бурсиӧмӧн,
Коми Республикаса
национальнöй политика министр Г.И. Габушева
Сыктывкар, 2020 вося сора тöлысь 28 лун
