25 июля свой 70-летний юбилей отмечает Алексей Вячеславович Попов
"Дона Алексей Вячеславович!
Ассянь да Коми Республикаса национальнӧй политика министерство нимсянь пöся чолöмала Тіянöс тшупöда пасöн – сизимдас во тырӧмӧн!
Уна во асланыд енбинытö да ыджыд вын-эбöснытö Ті сетанныд чужан кыв озырлунлы да мичлунлы. Став республикаыс вылӧ пуктӧ Тіянлысь тӧдчана пайнытӧ коми кыв да литература сöвмöдöмӧ да бурмöдöмӧ. Ті кужöмöн кысканныд коми художествоа кыв дінӧ и гырысьӧс, и посниӧс. Тіян ки улысь петӧм проза да поэзия, драма да публицистика гижӧдъяс йиджӧны лыддьысьысь сьӧлӧмӧ, тшӧктӧны мӧвпавны да тӧдмавны олӧмыслысь сюрӧссӧ, нормӧдӧны да гажӧдӧны.
Нимкодь, мый Тіянӧс паськыда тӧдӧ коми зонпосни, Ті пыр аддзанныд кад накӧд паныдасьлыны да сёрнитны. Дыр кад чӧж редактораланныд «Би кинь» челядьлы журналын, кодлӧн бы номерыс югыд руа да ышӧдана.
Тіян творчествоныд восьтӧ коми войтырлысь аслыспӧлӧслунсӧ и небӧг лист бокъяссянь, и театр сцена вывсянь. Тіян нимныд тӧдса став мирлы, зумыда йитӧ миянӧс рӧдвуж фин-угор войтыръяскӧд.
Сиам Тіянлы, Алексей Вячеславович, ыджыд творческöй вермöмъяс, дзоньвидзалун, лад да шуд. Эскам, мый став Тіян кöсйöмныд збыльмасны."
Пыдди пуктöмöн,
Коми Республикаса
национальнӧй политика
министр Г.И. Габушева
