Комиын матö джын олысьыс оз тöдны республикаса вужвойтырлысь кывсö. Та йылысь сёрни вöлi нацполитика министерствоысь коллегиялöн чукöртчылöм дырйи, юöртö «Комиинформ».
Тайö ведомствоыслöн корöм серти Коми наука шöринысь социально-экономическöй да энергетическöй тöжд-мог кузя институтын уджалысьяс шыöдчылöмаöсь коми кывкöд да национальнöй культуракöд йитчöм юалöмъясöн Сыктывкарын, Ухтаын, Усинскын, Кулöмдiн, Изьва да Княжпогост районъясын олысьяс дорö.
Кыдз тыдовтчис, юасьöмаяс пöвстысь 46,1 прöчентыс ньöти оз тöдны республикаса вужвойтырлысь кывсö, 9,7 прöчентыс гöгöрвоöны, но оз сёрнитны коминас, 6,6-ыс — сёрнитöны, но оз бура, 2,5 прöчентыс лючки сёрнитöны да лыддьысьöны, 29,5-ыс — кокниа сёрнитöны, гижöны да лыддьысьöны тайö кыв вылас.
А челядьныслы колö оз тöдны комисö? Тайö юалöм вылас 44 прöчентыс вочавидзисны, мый колö, 22,9-ыс — оз ков, 33,1 прöчентыс та йылысь абу мöвпыштлöмаöсь.
Коми му