Октябрь 29 лунӧ Воркутаын кыпӧдласны карын экономика да социальнӧй юкӧн сӧвмӧдӧм йылысь сёрни.
Сыктывдiнсаяс конференциясӧ кӧсйӧны нуӧдны Сьӧськаын ноябрь 1 лунӧ. «Том йӧз – миян аскиа лун» – тадзи нимтӧмаӧсь чукӧртчылӧмсӧ Кӧрткерӧс районса коми войтыр. Сiйӧ лоас ноябрь 10 лунӧ. Ноябрь 1 лунӧ Зӧвсьӧртын сёрнитасны сиктъяс сӧвмӧдӧм йылысь. Сӧмын пӧ тыр олӧмӧн олысь сикт-грездын позяс видзны вужвойтырлысь кывсӧ, культурасӧ, традицияяссӧ. Татшӧм ногӧн жӧ чайтӧны и Сыктыв вожсаяс. Визинын конференцияыс лоас ноябрь 16 лунӧ. Сиктсаӧс колана услугаӧн тырвыйӧ могмӧдӧм йылысь сёрнитасны Мылдiнын ноябрь 15 лунӧ. Луздор район сӧвмӧдан нырвизьяс йылысь юалӧм кыпӧдласны Абъячойын ноябрь 17 лунӧ. «Сыктывкар вӧсна тӧждӧн: ставыс миян киын» – тадзи шуӧмаӧсь конференциясӧ юркарса коми войтыр. Сiйӧ лоас ноябрь 18 лунӧ. Сиктса йӧзлысь уна сикас тӧжд-могсӧ видлаласны Интаын ноябрь 23 лунӧ, Косланын ноябрь 25 лунӧ, Койгортын ноябрь 30 лунӧ, Сосногорскын декабрь 3 лунӧ, Вуктылын декабрь 15 лунӧ. Ухтаын ноябрь 26 лунӧ донъяласны, кыдзи збыльмӧ дӧны карса коми войтырлӧн воддза конференциялысь помшуӧмъяссӧ. Асланыс уджлы кывкӧртӧд вӧчасны и печорасаяс декабрь 9 лунӧ. Изьваын декабрь 6 лунӧ сёрнитасны районсӧ сӧвмӧдӧм, а Чилимдiнын декабрь 8 лунӧ – сэтчӧс сикт-посёлоксӧ пелькӧдӧм-мичмӧдӧм йылысь. Кулӧмдiнса коми войтыр конференциясӧ – нимтӧмаӧсь сiйӧс «Бурыс чужтӧ бурсӧ» кывъясӧ н – шуӧмаӧсь нуӧдны декабрь 1 лунӧ. Княжпогост районса комияс чукӧртчыласны Сьӧськаын декабрь 2 лунӧ да сёрнитасны сиктын предпринимательство сӧвмӧдӧм йылысь.
*** Коми войтырлӧн кар-районын конференцияяслы панассӧ таво вӧчисны Усинскын. Сентябрын нин сэнi сёрнитiсны сиктса йӧзлӧн тӧжд-мог йылысь да найӧс венӧмӧ кутшӧм пай вермасны пуктыны том войтыр.