Коми печать лунӧн!
«Коми Республикаса газет-журналъясын, небӧг лэдзанінъясын да полиграфия предприятиеясын пыдди пуктана уджалысьяс да ветеранъяс!
Чолӧмала тіянӧс Коми печать лунӧн!
Коми журналистикалы сё воысь унджык нин. 1918 вося тайӧ лунӧ петіс «Зырянская жизнь» газетлӧн медводдза номерыс, мыйӧн вӧлі пуктӧма Коми муын периодика лэдзӧмлы подувсӧ.
Коми Республикаса национальнӧй политика министерство дыр кад чӧж уджалӧ ӧтув печатнӧй да электроннӧй изданиеясысь журналистъяскӧд да пыдди пуктӧ тайӧ йитӧдъясыслысь социальнӧй коланлунсӧ да тӧдчанлунсӧ.
Коми газет-журналын уджалӧны енбиа йӧз. На отсӧгӧн уна войтырсикаса республикаын олысьяс тӧдмалӧны быдлунъя выльторъяс, экспертъяслысь мӧвпъяссӧ, канмуса национальнӧй политика юкӧнын специалистъяслысь видзӧдлассӧ.
Тайӧ кыпыд лунӧ массӧвӧй юӧр средствоясын уджалысьяслы сиа крепыд дзоньвидзалун, тыр-бур олӧм, помтӧм творческӧй вын, унджык шензьӧдан да дыр кежлӧ казьтылан йӧзӧдӧмторъяс!»
Пыдди пуктöмöн,
Коми Республикаса
национальнöй политика министр
Г.И. Габушева
