Коми гижöд лунöн!
Пыдди пуктана Коми Республикаын олысьяс!
Коми Республикаса национальнöй политика министерство пӧся чолöмалö тiянöс Коми гижöд лунöн.
1992 восянь Коми Республикаын ода-кора тöлысьлöн коймöд вежалунö ми пасъям Коми гижöд лун. Квайтсё нелямынысь унджык во сайын Вежа Степан лӧсьӧдіс медводдза коми анбур, и коми войтырлӧн кутіс сӧвмыны гижӧда кыв да чужны литература.
Миян республикаын уна водзмӧстчысь йӧз – велӧдысьяс, культураын да наукаын уджалысьяс, журналистъяс, гижысьяс, вуджӧдчысьяс – зільӧны коми кыв да коми гижӧда традициясӧ видзӧмын да сӧвмӧдӧмын.
Уськӧдам тӧд вылӧ, мый во заводитчигӧн ми пасйим юбилейяс нимйӧза гижысь Нина Никитична Куратовалысь, коми мойдысь Соломония Васильевна Пылаевалысь, кывбуралысь Нина Александровна Обрезковалысь. Коми гижӧд пасъян лунъясӧ кутам чолӧмавны гӧгрӧс пасӧн коми кывбур лӧсьӧдысьяс Евгений Валерианович Козловӧс, Анжелика Геннадьевна Елфимоваӧс да Александр Васильевич Шебыревӧс.
Йирым тӧлысьын республикаын кутам пасйыны Вениамин Тимофеевич Чисталевлӧн чужан лунсянь 130 во тырӧм. Коми гижысьлы сиӧм мероприятиеяс мунасны чужанінас – Помӧсдін сиктын, юркарын да республикалӧн мукӧд сикт-карын.
Коми гижӧд лун кутӧ ыджыд ӧтувтана мӧвп водзӧ видзны ассьыным медыджыд озырлунсӧ – кывнымӧс. Сиа ставныдлы ыджыд шуд да зумыд дзоньвидзалун, кыпыд ру да коми кывъя уна мича небӧг!
