2011 воын уджын шöр туйвизьяс видлалiсны национально-культурнöй öтувъясöн веськöдлысьяс
Сыктывкарын кöч тöлысь 21 лунö мунiс Коми Республикаса национальнöй политика министерство бердын национально-культурнöй автономияяслöн уджъяс кузя Консультативнöй сöвет президиумлöн заседание.
Сöвещаниеын участвуйтiсны республикаса культурно-национальнöй öтувъясса юрнуöдысьяс, Россияса федеральнöй миграционнöй службалöн Коми Республикаын веськöдланiнöс петкöдлысьяс.
Заседание вылын сёрнитiсны Коми Республикаын миграция йылысь. Общественнöй öтувъясса юрнуöдысьялöн юалöмъяс вылö вочавидзис Россияса федеральнöй миграционнöй службалöн Коми Республикаын веськöдланiнса начальникöс вежысь А.И. Машанов.
Заседание вылын вöчисны кывкöртöдъяс 9 тöлысьöн вöчöм уджысь, видлалiсны 2011 во вылö туйвизьяс. Мероприятиеын участвуйтысьяс сетiсны 2010 вося IV квартал вылö уджалан планлысь проект.
Сöвещаниеöн веськöдлiс Коми Республикаса национальнöй политика министерство бердын национально-культурнöй автономияяслöн уджъяс кузя Консультативнöй сöветöн веськöдлысьöс вежысь А.С. Крупенько.
Фотографияяс
 |
