«Чушканзілы» квайтымын во
Коми Республикаса национальӧй политика министерство кыпыда чолӧмалӧ Тіянӧс тшупӧдан пасӧн.
«Чушканзіӧс» котыртісны да сӧвмӧдісны нималана войтыр: Александр Михайлович Матвеев, Иван Андреевич Симпелев, Семен Николаевич Кынев, Александр Васильевич Сажин, Александр Степанович Петрунев, Виталий Иванович Осипов, коми карикатура сӧвмӧдысь Степан Александрович Холопов. Сьöлöмсö пуктiсны журнал сӧвмӧдӧмӧ да ӧнӧдз нимкодясям Серафим Поповлӧн, Геннадий Юшковлӧн, Владимир Тиминлӧн, Владимир Поповлӧн, Егор Рочевлӧн, Николай Щукинлӧн, Александра Мишариналӧн, Юрий Васютовлӧн, гижӧдъясӧн.
Торйӧн окота чолӧмавны «Чушканзіса» войтырӧс, кодъяс оз сӧмын водзӧ нуӧдны журналлысь 60 воӧн артмӧм бур традицияяс, но и дасьтӧны да пӧртӧны олӧмӧ уна сикаса шемӧсмӧдана проект: телеуджтасъяс, радиопостановкаяс, «Вак-вак шоу», «Коми шмонь» петкӧдчӧмъяс.
Дона, «Чушканзісаяс»! Сиа, медым Тіян сьӧлӧмын некор эз кус Чужанін да Коми кыв дорӧ муслун, мед лунысь лунö содас лыддьысьысьлöн лыдыс. Сиа Тіянлы крепыд дзоньвидзалун да семьяын лад! Кузь нэм да бур шуд!
