Таво ветласны Емва вожö
2004 восянь немечьяслöн национальнокультурнöй автономияын водзмöстчысьяс дас öтиысь нин ветлiсны экспедицияясö, медым туявны Россияын олысь немечьяслысь историясö. Найö кытшовтiсны нин Кöрткерöс, Чилимдiн, Койгорт, Печора, Сыктыв, Сыктывдiн, Кулöмдiн, Емдiн, Луздор районъястi, волiсны Ухтаö, Сосногорскö да Воркутаö. Тавося июнь 25 — июль 5 лунъясö кöсйöны уджавны Княжпогост районын. Тракт, Ропча, Кывтыва, Серёгов да мукöд сикт-посёлокын найö аддзысьласны вöвлöм спецпоселенечьяскö д, гижавны налысь казьтылöмсö, пелькöдны мыжтöг мыждöм немечьяслысь шойнаяс, отсавны ыджыд арлыда войтырлы гортгöгöрса уджын. Мöд во дорвыв нин Комиын олысь немечьяс кындзи экспедицияö ветласны и Тюмень обласьтысь, Ханты-Манси кытшысь, Екатеринбургысь войтыр. Туялöмторсö кöсйöны йöзöдны öтуввезса nnka.biz лист бокын, Россияса немечьяслысь история да культура туялысьяслöн ассоциациялöн сборникын да мукöд петасын. Немечьяслöн национально-культурнöй автономия котыртö экспедициясö немеч культуралöн войтыркостса союз, Коми Республикаса национальнöй политика министерство да Княжпогост районса администрация отсöгöн.
