Том гижысьяс чукöртчаны Гожся университетын
Том гижысьяслöн Гожся университет таво кутас уджавны Сыктывкарын июль 1-7 лунъясö.
Журналистика да художествоа гижöд лабораторияясын велöдчысьяс аддзысьласны нималана гижысьяскöд, журналистъяскöд, наука туялысьяскöд, ттöдмасясны коми газет-журналса редакцияяслöн, «Коми гор» телерадиокомпаниялöн уджöн. Ветласны и Сыктыв районса Кебра сиктö, кöнi лоас коми литературалы подув пуктысь Иван Куратовлöн чужöмсянь 175 во тырöмлы сиöм гаж.
Кыдзи и воддза воясö, Гожся университетö воласны Перым кытшысь велöдчысьяс.
Гожся университетын велöдасны, вердасны-овмöдасны дон босьттöг.
Том гижысьяслысь гожся университетсö котыртö Россия Федерацияса финн-йöгра культура шöрин. Таын отсалöны сылы Финляндияысь Матиас Кастрен котыр, Комиысь национальнöй политика министерство, культура да йöзöс велöдан, Перым крайысь Коммулöн могъяс кузя министерствояс, печать да юöр сетан агентство, республикаса гижысь котыр.
